ചെന്നൈ: തമിഴ്‌നാട്ടില്‍ രണ്ടു മണ്ഡലങ്ങളിലെ നിയമസഭാ തെരഞ്ഞെടുപ്പ്ുകള്‍ ജൂണ്‍ 13ന് നടത്തുമെന്ന് കേന്ദ്ര തെരഞ്ഞെടുപ്പ് കമ്മിഷന്‍ അറിയിച്ചു.
പാര്‍ട്ടികള്‍ പണമൊഴുക്കുന്നതായി ആരോപണമുണ്ടായതിനെ തുടര്‍ന്നാണ് അരവാക്കുറിച്ചി, തഞ്ചാവൂര്‍ മണ്ഡലങ്ങളിലെ തെരഞ്ഞെടുപ്പ് മാറ്റിവച്ചത്. മെയ് 16നു നടക്കേണ്ടിയിരുന്ന തെരഞ്ഞെടുപ്പ് ആദ്യം മെയ് 23ലേക്ക് മാറ്റുകയും പിന്നീട് മറ്റൊരു അറിയിപ്പുണ്ടാകുന്നതുവരെ മാറ്റിയിരിക്കുന്നതായും അറിയിക്കുകയായിരുന്നു. കഴിഞ്ഞദിവസമാണ് ജൂണ്‍ 13ന് തെരഞ്ഞെടുപ്പ് നടത്താന്‍ ഔദ്യോഗികമായി തീരുമാനിച്ചത്.