കോഴിക്കോട്: സംസ്ഥാന ജൂനിയര്‍ ഗുസ്തി ചാംപ്യന്‍ഷിപ്പ് ഇന്നു മുതല്‍ 18 വരെ കോഴിക്കോട് ഇന്‍ഡോര്‍ സ്റ്റേഡിയത്തില്‍ നടക്കും. ജൂനിയര്‍ ആണ്‍കുട്ടികളുടെ ഫ്രീ സ്റ്റൈലിലും, ഗ്രീക്കോ റോമന്‍ സ്റ്റൈലിലും, ജൂനിയര്‍ പെണ്‍കുട്ടികളുടെ ഫ്രീ സ്റ്റൈലിലുമായി 24 വിഭാഗങ്ങളില്‍ 300റോളം പേര്‍ പങ്കെടുക്കും.
ദേശീയ മത്സരത്തിനുള്ള കേരള ടീമിനെ ചാംപ്യന്‍ഷിപ്പില്‍ നിന്നു തിരഞ്ഞെടുക്കും. നാളെ രാവിലെ 10.30നു സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ ചാംപ്യന്‍ഷിപ്പ് ഉദ്ഘാടനം ചെയ്യും. 18നു വൈകിട്ട് 5.30നു നടക്കുന്ന സമാപന സമ്മേളനത്തില്‍ മേയര്‍ തോട്ടത്തില്‍ രവീന്ദ്രന്‍ വിജയികള്‍ക്കുള്ള ട്രോഫികള്‍ വിതരണം ചെയ്യും.