പൊന്നാനി: തയ്യല്‍ തൊഴിലാളിയുടെ ചികിത്സയ്ക്കായി വെളിയങ്കോട് മേഖലയിലെ തൊഴിലാളികള്‍ പിരിച്ചെടുത്ത പണം സി. ഐ. ടി. യു. നേതാവ് തിരിമറി നടത്തിയതായി ആരോപണം.
വെളിയങ്കോട് തയ്യല്‍ തൊഴിലാളിയായിരുന്ന വ്യക്തിയുടെ ചികിത്സയ്ക്കായി വെളിയങ്കോട് മേഖലയിലെ ഓള്‍ കേരള ടൈലേഴ്‌സ് അസോസിയേഷന്‍ (എ. കെ. ടി. എ) പ്രവര്‍ത്തകര്‍ പിരിച്ചെടുത്ത പണമാണ് സി. പി. എം. മാറഞ്ചേരി ലോക്കല്‍ കമ്മിറ്റയംഗവും മോട്ടോര്‍ തൊഴിലാളി യൂണിയന്‍ (സി. ഐ. ടി. യു.) പൊന്നാനി ഏരിയ സെക്രട്ടറിയുമായ കെ. പി. രാജന്‍ തട്ടിയെടുത്തതായി ആരോപണമുയര്‍ന്നിട്ടുള്ളത് . ഓള്‍ കേരള ടൈലേഴ്‌സ് അസോസിയേഷന്‍ (എ. കെ. ടി. എ) ജില്ലാ ജോ. സെക്രട്ടറിയായ രാജന്‍ എ. കെ. ടി. എ. യുടെ എരമംഗലം ഏരിയ സെക്രട്ടറിയായിരിക്കുമ്പോഴാണ് ചികിത്സാ സഹായനിധിയില്‍ തിരിമറിനടത്തിയത്. വെളിയങ്കോട് മേഖലയിലെ തയ്യല്‍ തൊഴിലാളി സംഘടനയുടെ നേതാക്കളായ മുരളി, അനസ് എന്നിവരുടെ നേതൃത്വത്തില്‍ 21, 500 രൂപ പിരിച്ചെടുക്കുകയും ഏരിയ നേതാവെന്നനിലയില്‍ തുക കൈമാറുന്നതിനായി രാജനെ ഏല്‍പ്പിക്കുകയായിരുന്നു.
എന്നാല്‍ പിരിച്ചെടുത്ത തുകയില്‍ 7,550 രൂപ മാത്രമാണ് രാജന്‍ കൈമാറിയത്. സംഭവം എ. കെ. ടി. എ. എരമംഗലം ഏരിയ കമ്മിറ്റിയില്‍ ചര്‍ച്ച ചെയ്യുകയും പണം തിരിമറി നടത്തിയത് വ്യക്തമായിട്ടും രാജനെതിരേ നേതൃത്വം നടപടിയെടുക്കാത്തതില്‍ പ്രതിഷേധിച്ച് വെളിയങ്കോട് മേഖലയിലെ തയ്യല്‍ തൊഴിലാളികള്‍ ചേര്‍ന്ന് വെളിയങ്കോട് ടൈലേഴ്‌സ് അസോസിയേഷന്‍ (വി. ടി. എ.) എന്ന സംഘടനയ്ക്ക് രൂപം നല്‍കിയിട്ടുï്.
സി. പി. എം. പൊന്നാനി ഏരിയ കമ്മിറ്റിയംഗമായിരുന്ന കെ. പി. രാജനെ മാറഞ്ചേരിയിലെ ഒരു സ്ത്രീയുടെ ഭൂമികച്ചവടത്തെത്തുടര്‍ന്നുïായ സാമ്പത്തിക ആരോപണത്തെത്തുടര്‍ന്ന് ബ്രാഞ്ച് കമ്മിറ്റിയിലേക്ക് തരംതാഴ്ത്തിയിരുന്നു.