താനൂര്‍: ഒട്ടുംപുറം എസ്.സി കോളനിയിലെ ഈ അങ്കണവാടി ശാപമോക്ഷം കാത്തിരിക്കുകയാണ്. വാടകയ്‌ക്കെടുത്ത പീടികമുറിയിലാണ് കാലങ്ങളായി ഈ അങ്കണവാടി പ്രവര്‍ത്തിക്കുന്നത്. സ്വന്തം കെട്ടിടം നിര്‍മിക്കുമെന്നു പറഞ്ഞിരുന്നെങ്കിലും പരിഹാരമായിട്ടില്ല.
സര്‍ക്കാര്‍ വാഗ്ദാനം ചെയ്യുന്ന തുകയ്ക്കു സ്ഥലം വിട്ടുനല്‍കാന്‍ സ്വകാര്യ വ്യക്തികള്‍ തയാറാകാത്തതാണ് തടസം. എണ്ണത്തിനുസരിച്ചു റൂം വിശാലതയില്ലാത്തതിനാല്‍ ഇരുപത്തിയഞ്ചോളം കുട്ടികള്‍ പ്രയാസമനുഭവിക്കുകയാണ്. കളിക്കാനൊ മറ്റോ ഉള്ള സൗകര്യങ്ങളുമില്ല.
റൂമിന്റെ ഷട്ടര്‍ തുറന്നാല്‍ കുട്ടികള്‍ നേരെയെത്തുന്നതു റോഡിലേക്കാണ്. ഹരിജന്‍ വിഭാഗത്തിലെ കുട്ടികളാണ് ഇവിടെ കൂടുതലുള്ളത്.