ന്യൂഡല്‍ഹി: ടൈംസ് നൗ ചാനലില്‍നിന്നു രാജിവച്ച പ്രമുഖ മാധ്യമപ്രവര്‍ത്തകന്‍ അര്‍ണബ് ഗോസ്വാമി പുതിയ ചാനല്‍ തുടങ്ങുന്നു.

 'റിപ്പബ്ലിക്' എന്ന പേരില്‍ തുടങ്ങുന്ന ചാനല്‍ ഉത്തര്‍പ്രദേശ് തെരഞ്ഞെടുപ്പിനു മുന്‍പ് പ്രവര്‍ത്തനം ആരംഭിക്കാനാണ് സാധ്യത. ചാനലിന്റെ അണിയറപ്രവര്‍ത്തനങ്ങള്‍ നടക്കുകയാണ്.


ന്യൂസ് അവര്‍ എന്ന വാര്‍ത്താപരിപാടിയിലൂടെ ശ്രദ്ധേയനായ അര്‍ണബ് 10 വര്‍ഷത്തെ ടൈംസിലെ സേവനത്തിനു ശേഷമാണ് വിരമിച്ചത്.

പ്രധാനമന്ത്രി നരേന്ദ്ര മോദിയെ പുകഴ്ത്തുന്ന അര്‍ണബിന്റെ നിലപാടുകള്‍ വിമര്‍ശനങ്ങള്‍ ക്ഷണിച്ചുവരുത്തിയിരുന്നു.