പരപ്പനങ്ങാടി : വീടുകളില്‍ നിന്ന് ശേഖരിച്ച പ്ലാസ്റ്റിക് കവറുകള്‍ റോഡരികില്‍ നിന്ന് നീക്കം ചെയ്യാത്തതായി ആക്ഷേപം. വീടുകളില്‍ നിന്ന് ശേഖരിച്ച പ്ലാസ്റ്റിക് കവറുകളാണ് വലിയ സഞ്ചികളിലാക്കി റോഡരികില്‍ തന്നെ ഉപേക്ഷിച്ചിട്ടുള്ളത്.നഗരസഭാ മുപ്പത്തിരണ്ടാം ഡിവിഷനിലെ എന്‍ സി സി റോഡ് ,എക്‌സ്‌ചെയ്ഞ്ച് റോഡ് എന്നിവിടങ്ങളില്‍ വിവിധ സ്ഥലങ്ങളിലായിട്ടാണ് കൂട്ടിയിട്ടിട്ടുള്ളത്.
ഒരാഴ്ചയായി കവറുകള്‍ ഇവിടെ കിടക്കുന്നു . കഴിഞ്ഞ ദിവസം പെയ്ത മഴവെള്ളം ഇതില്‍ കെട്ടിനില്‍ക്കുന്നുണ്ട്. ഇത് കാരണം കൊതുക് ശല്യവും മറ്റു ജല രോഗങ്ങളും വര്‍ധിക്കാനിടയുണ്ട് . വിദ്യാര്‍ഥികള്‍ക്കും വഴിയാത്രക്കാര്‍ക്കും പ്രയാസമായ നിലയില്‍ നടപ്പാതയിലിട്ട പ്ലാസ്റ്റിക് കവറുകള്‍ ഉടന്‍ നീക്കം ചെയ്യാന്‍ കൗണ്‍സിലര്‍ തയ്യാറാകണമെന്ന് നാട്ടുകാര്‍ ആവശ്യപ്പെട്ടു