ബോവിക്കാനം: പൊവ്വലിലെ അബ്ദുല്‍ ഖാദറി(20)നെ കുത്തി കൊലപ്പെടുത്തിയ കേസില്‍ ഒരാള്‍ കൂടി അറസ്റ്റില്‍. ബാവിക്കരക്കുന്നില്‍ മൂലഹൗസിലെ സുനൈഫാ(30)ണ് ഇന്നലെ ഉച്ചയോടെ ആദൂര്‍ സി.ഐ സി.ബി തോമസിനു മുമ്പാകെ കീഴടങ്ങിയത്. സംഭവത്തിനു ശേഷം മുഖ്യപ്രതി നസീറിനെ രക്ഷപ്പെടുത്താന്‍ സഹായിച്ച ഒരാളാണ് സുനൈഫ്. പ്രതിയെ കോടതിയില്‍ ഹാജരാക്കി. കേസില്‍ മുഖ്യപ്രതിയടക്കം അഞ്ചു പേരെ നേരത്തെ അറസ്റ്റു ചെയ്തിരുന്നു.
മുതലപാറയിലെ നസീര്‍, ബാലനടുക്കത്തെ സാലി, കലാം, പ്രതിയെ രക്ഷപെടാന്‍ സഹായിച്ച ഫാറുഖ്, അഷറഫ്, എന്നിവരാണ് അറസ്റ്റിലായത്. ഇതില്‍ ഫാറുഖ്, അഷറഫ് എന്നിവര്‍ക്കു കഴിഞ്ഞ ദിവസം ജാമ്യം അനുവദിച്ചിരുന്നു. ബോവിക്കാനം ടൗണില്‍ ഈ മാസം ഒന്നിനു വൈകുന്നേരമാണ് അബ്ദുല്‍ ഖാദര്‍ കുത്തേറ്റു മരിച്ചത്.