ഇരിക്കൂര്‍: നിലാമുറ്റം മഖാം ഉറൂസിനു തുടക്കമായി. ഹംസ ഫൈസി പതാക ഉയര്‍ത്തി. സമ്മേളനം അബ്ദുല്‍ കബീര്‍ മന്നാനി ഉദ്ഘാടനം ചെയ്തു. കെ മേമി അധ്യക്ഷനായി. അറക്കല്‍ അബ്ദുല്‍ റസാഖ് ദാരിമി മുഖ്യപ്രഭാഷണം നടത്തി. ദുഅ മജ്‌ലിസിന് എം.ടി അബ്ദുല്ല മുസ്‌ലിയാര്‍ നേതൃത്വം നല്‍കി. മഖാം സിയാറത്തിന് അസ്‌ലം തങ്ങള്‍ അല്‍ മഷ്ഹൂര്‍ നേതൃത്വം നല്‍കി. കെ അബ്ദുല്‍ സലാം ഫൈസി, ഉസ്മാന്‍ ദാരിമി പന്തിപ്പൊയില്‍ നിസാര്‍ ഫൈസി, കെ.പി അനീസ്, ടി.വി ഉമ്മര്‍ ഹാജി പങ്കെടുത്തു. റഹ്മാനിയ ദര്‍സ് മനേജിങ് കമ്മിറ്റിയുടെ ആഭിമുഖ്യത്തില്‍ പത്തുദിവസങ്ങളിലായി നടത്തുന്ന ഉറൂസ് 25ന് നാലുമണിക്ക് കൂട്ട സിയാറത്തോടെ സമാപിക്കും. ചപ്പാരപ്പടവ് മുഹമ്മദ് മുസ്‌ലിയാര്‍ നേതൃത്വം നല്‍കും. 24ന് ഉച്ചയ്ക്ക് അന്നദാനം നടക്കും.