ബുലന്ദ്ഷഹര്‍: നോട്ട് വിതരണം ചെയ്യുന്നതുമായി ബന്ധപ്പെട്ട് ബാങ്കിനു മുന്നില്‍ വരിനിന്നവരെ ഭയപ്പെടുത്തുന്നതിനായി പൊലിസുകാരന്‍ ആകാശത്തേക്ക് വെടിയുതിര്‍ത്തു. പഞ്ചാബ് നാഷണല്‍ ബാങ്കിന്റെ ശാഖക്കു മുന്നില്‍ നിന്നവരാണ് നോട്ട് വിതരണത്തിലെ അപാകത ചൂണ്ടിക്കാട്ടി പ്രകോപിതരായത്. ഇതിനിടയിലാണ് പൊലിസ് കോണ്‍സ്റ്റബിളായ ജസ്്‌വീര്‍ സിങ് ആകാശത്തേക്ക് വെടിയുതിര്‍ത്തത്. വരിനിന്ന സ്ത്രീകളില്‍ ചിലര്‍ ഇത് മൊബൈല്‍ ഫോണില്‍ പകര്‍ത്തിയതോടെ സംഭവം വിവാദമായി. പൊലിസുകാരനെ സര്‍വീസില് നിന്നും സസ്‌പെന്റ് ചെയ്യുന്നതിലേക്കാണ് കാര്യങ്ങള്‍ എത്തിച്ചത്.