ചെന്നൈ: ചരിത്ര നേട്ടം സ്വന്തമാക്കി മലയാളിയായ ഇന്ത്യന്‍ താരം കരുണ്‍ നായര്‍ വീണ്ടും. ടെസ്റ്റ് ക്രിക്കറ്റില്‍  ട്രിപ്പിള്‍ സെഞ്ച്വറി നേടുന്ന ആദ്യ മലയാളി താരമെന്ന റെക്കോര്‍ഡാണ് കരുണ്‍ നായര്‍ സ്വന്തമാക്കിയത്. ചെന്നൈയില്‍ നടക്കുന്ന ഇംഗ്ലണ്ടിനെതിരേയുള്ള ഇന്ത്യയുടെ അഞ്ചാം ക്രിക്കറ്റ് ടെസ്റ്റിലാണ് ഇന്ത്യക്കു വേണ്ടി മലയാളിയായ കരുണ്‍ മികച്ച പ്രകടനം പുറത്തെടുത്തത്.

വീരേന്ദര്‍ സെവാഗിന് ശേഷം ടെസ്റ്റ് ക്രിക്കറ്റില്‍ ട്രിപ്പിള്‍ സെഞ്ച്വറി നേടുന്ന രണ്ടാമത്തെ ഇന്ത്യക്കാരന്‍ കൂടിയായി മാറിയിരിക്കുകയാണ് കരുണ്‍.

381 പന്തിലാണ് കരുണ്‍ 303 റണ്‍സെടുത്ത് ട്രിപ്പിള്‍ സെഞ്ച്വറി സ്വന്തമാക്കിയത്. ഇന്ന് രാവിലെ ടെസ്റ്റ് ക്രിക്കറ്റിലെ ആദ്യ സെഞ്ച്വറി നേടുന്ന മലയാളിയെന്ന് നേട്ടവും കരുണ്‍ സ്വന്തമാക്കിയിരുന്നു. കരുണിനെ വീരേന്ദര്‍ സെവാഗ് അഭിനന്ദിച്ചു.

ഒന്‍പത് വിക്കറ്റ് നഷ്ടത്തില്‍ 759 റണ്‍സെടുത്ത് ടീം ഇന്ത്യയും ചരിത്ര നേട്ടമാണ് സ്വന്തമാക്കിയത്.