കൊല്‍ക്കത്ത: വെസ്റ്റ് ബംഗാളില്‍ അഞ്ച് മാധ്യമപ്രവര്‍ത്തകര്‍ അറസ്റ്റില്‍. കിഴക്കന്‍ മിഡ്‌നാപ്പൂരിലെ തര്‍ഗ്രാമിലാണ് സംഭവം. ഇവിടെ തൃണമൂല്‍ കോണ്‍ഗ്രസ് പ്രവര്‍ത്തകരുമായി തര്‍ക്കമുണ്ടാക്കിയതിനാണ് അറസ്റ്റ്. സംഭവത്തില്‍ നിരവധിപേര്‍ക്ക് പരുക്കുണ്ട്. ഒരാളുടെ നില ഗുരുതരമാണ്. തെരഞ്ഞെടുപ്പ് ഫലം പക്ഷപാതപരമായാണ് റിപ്പോര്‍ട്ട് ചെയ്തത് എന്നാരോപിച്ചാണ് തൃണമൂല്‍ പ്രവര്‍ത്തകര്‍ മാധ്യമപ്രവര്‍ത്തകരെ അക്രമിച്ചത്.