പരപ്പനങ്ങാടി: ജില്ലയിലെ കോ-ഓപറേറ്റീവ് കോളജുകളിലെ വിദ്യാര്‍ഥികളുടെ ഗെയിംസ് മീറ്റില്‍ പരപ്പനങ്ങാടി കോ-ഓപറേറ്റീവ് കോളജ് ചാംപ്യന്‍മാരായി. പതിനാറു കോളജുകളില്‍നിന്നായി അഞ്ഞൂറിലേറെ പേര്‍ പങ്കെടുത്ത ഗെയിംസ് മീറ്റില്‍ തിരൂര്‍, മഞ്ചേരി സഹകരണ കോളജുകള്‍ യഥാക്രമം രണ്ടും മൂന്നും സ്ഥാനങ്ങള്‍ നേടി.
പരപ്പനങ്ങാടി നഗരസഭാധ്യക്ഷ വി.വി ജമീല ടീച്ചര്‍ വിജയികള്‍ക്കു ട്രോഫികള്‍ സമ്മാനിച്ചു. എം. അബ്ദുല്‍കരീം അധ്യക്ഷനായി. അഡ്വ. കെ.കെ സൈതലവി, സി. അബ്ദുറഹ്മാന്‍കുട്ടി, മജീദ് ഇല്ലിക്കല്‍, കെ. മുഹമ്മദ് സാഹിര്‍ സംസാരിച്ചു.