എടപ്പാള്‍: 'ഹുബ്ബുല്‍ വത്വന്‍ ഹുബ്ബു റസൂല്‍' എന്ന പ്രമേയത്തില്‍ പ്രവാചക പ്രകീര്‍ത്തന സദസും കുമരംപുത്തൂര്‍ ഉസ്താദ് അനുസ്മരണവും 30 ന് വെള്ളിയാഴ്ച സംഘടിപ്പിക്കാന്‍ എസ്.വൈ.എസ്. പൊന്നാനി മണ്ഡലം ഭാരവാഹികളുടെ യോഗം തീരുമാനിച്ചു.
വൈകിട്ട് 6:30 ന് ചങ്ങരംകുളം പുന്നക്കല്‍ ദാറുല്‍ ഇഹ്‌സാന്‍ വാഫി കാംപസില്‍ നടക്കുന്ന സദസിന് സമസ്ത മുശാവറ മെമ്പര്‍ മുഹ്‌യുദ്ദീന്‍ മുസ്‌ലിയാര്‍ ആലുവ, സമസ്ത താലൂക്ക് പ്രസിഡണ്ട് എം.വി.ഇസ്മാഈല്‍ മുസ്‌ലിയാര്‍ തുടങ്ങിയവര്‍ നേതൃത്വം നല്‍കും.
പ്രസിഡന്റണ്ട് എന്‍.എം.മുഹമ്മദലി അശ്‌റഫി അധ്യക്ഷനായി. ജനറല്‍ സെക്രട്ടറി റാഫി പെരുമുക്ക്, പി.കെ.അബൂബക്കര്‍ പെരു മ്പടപ്പ്, റഫീഖ് ഫൈസി തെങ്ങില്‍, അബ്ദുറസാഖ് പുത്തന്‍പള്ളി, അഹമ്മദുണ്ണി കാളച്ചാല്‍, ജഅഫര്‍ അയോട്ടിച്ചിറ, ഇബ്‌റാഹിം അസ്ഹരി, സി.കെ.റസാഖ് പൊന്നാനി സംസാരിച്ചു. ജനുവരി അഞ്ചിനകം പഞ്ചായത്ത് മുനിസിപ്പല്‍ കണ്‍വന്‍ഷനുകള്‍ ചേരാനും ജനുവരിയില്‍ നേതൃപഠന ക്യാംപ് സംഘടിപ്പിക്കാനും തീരുമാനിച്ചു.