താമരശേരി: നവകേരള മിഷന്റെ ഭാഗമായി സംസ്ഥാന സര്‍ക്കാര്‍ നടപ്പിലാക്കുന്ന പൊതുവിദ്യാഭ്യാസ സംരക്ഷണ യജ്ഞത്തില്‍ മുഴുവന്‍ അധ്യാപകരും ബഹുജനങ്ങളും പങ്കാളികളാകണമെന്ന് കെ.എസ്.ടി.എ താമരശേരി ഉപജില്ലാ സമ്മേളനം ആവശ്യപ്പെട്ടു.
പൊതു വിദ്യാലയങ്ങളെ മികവിന്റെ കേന്ദ്രങ്ങളാക്കി മാറ്റി കേരളത്തിന്റെ മത നിരപേക്ഷ ജനാധിപത്യ മൂല്യങ്ങളെ ശക്തിപ്പെടുത്തേണ്ടണ്ടതുണ്ടെണ്ടന്നും സമ്മേളനം അഭിപ്രായപ്പെട്ടു. പുതുപ്പാടി എം.ജി.എം എച്ച്.എസ്.എസില്‍ നടന്ന സമ്മേളനം ജില്ലാ സെക്രട്ടറി എം.കെ മോഹന്‍ കുമാര്‍ ഉദ്ഘാടനം ചെയ്തു. സബ് ജില്ലാ പ്രസിഡന്റ് അബ്ദുള്‍ഹക്ക് അധ്യക്ഷനായി. സെക്രട്ടറി കെ.എം ജോസഫ്, കെ.ഒ വര്‍ഗ്ഗീസ്, വി.പി ഇന്ദിര, ടി.കെ അരവിന്ദാക്ഷന്‍, വി.ജെ എബ്രാഹാം, കെ.ജി രാജന്‍, ലൈജു തോമസ്, വി.പി കരുണന്‍, എം.എ അബ്ദുള്‍ ഖാദര്‍ തുടങ്ങിയവര്‍ പ്രസംഗിച്ചു. സ്വാഗതസംഘം ചെയര്‍മാന്‍ എം.ഇ ജലീല്‍ സ്വാഗതവും ഇ. ശ്യാംകുമാര്‍ നന്ദിയും പറഞ്ഞു. ഭരവാഹികളായി അബ്ദുള്‍ ഹക്ക് (പ്രസിഡന്റ്), കെ.ടി ബെന്നി (സെക്രട്ടറി) എന്നിവരെ തെരഞ്ഞെടുത്തു.