ഓച്ചിറ: ക്ലാപ്പന, പുതുതെരുവ്, ഓച്ചിറ സമസ്ത കേരള സുന്നി സ്റ്റുഡന്റ്‌സ് ഫെഡറേഷന്‍ യൂനിറ്റുകളുടെ നേതൃത്വത്തില്‍ ശരീഅത്ത് സംരക്ഷണ മഹാസമ്മേളനം ഇന്ന് വൈകിട്ട് 5ന് ഓച്ചിറ ടൗണ്‍ മൈതാനത്തില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു.
സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. എസ്.കെ.എസ്.എസ്.എഫ് ഓച്ചിറ യൂനിറ്റ് പ്രസിഡന്റ് നിസാം കണ്ടത്തില്‍ അധ്യക്ഷത വഹിക്കും.
കാഞ്ഞാര്‍ അഹമദ് കബീര്‍ ബാഖവി മുഖ്യ പ്രഭാഷണം നടത്തും. എസ്.കെ.എസ്.എസ്.എഫ് സ്റ്റേറ്റ് ഓര്‍ഗനൈസിംഗ് ജനറല്‍ സെക്രട്ടറി സയ്യിദ് അബ്ദുള്ള തങ്ങള്‍ ദാരിമി അല്‍ ഐദറൂസി ദുആ നിര്‍വ്വഹിക്കും. ഓച്ചിറ യൂനിറ്റ് സെക്രട്ടറി നൗഷാദ് സഫാസ് സ്വാഗതം പറയും.
വാര്‍ത്താ സമ്മേളനത്തില്‍ നിസാം കണ്ടത്തില്‍, നൗഷാദ് സഫാസ്, റാഫി റഹ്മാനി (കൊല്ലം ജില്ലാ പ്രസിഡന്റ്), സലിം ചെറുകര, ഇസ്സുദ്ദീന്‍ ക്ലാപ്പന, സിയാദ് വലിയവീട്ടില്‍, സലാഹുദ്ദീന്‍ കല്ലുംമൂട്ടില്‍, അന്‍വര്‍ ഓച്ചിറ, ഷാജി ഈരിക്കല്‍, നുജൂം കണ്ടത്തില്‍ തുടങ്ങിയവര്‍ അറിയിച്ചു.