തളിപ്പറമ്പ്: ദേശീയഗാനം കേള്‍ക്കുമ്പോള്‍ സ്വമേധയാ എഴുന്നേറ്റ് നില്‍ക്കുന്ന സവിശേഷമായ ശീലമുളള നമ്മുടെ സമൂഹത്തോട് വീണ്ടും എഴുന്നേല്‍ക്കാന്‍ ആവശ്യപ്പെടുന്നത് ഫാസിസമാണെന്ന് സിനിമാ താരം അനൂപ് ചന്ദ്രന്‍. മാങ്ങാട്ടുപറമ്പ് സര്‍വകലാശാല സെമിനാര്‍ ഹാളില്‍ കണ്ണൂര്‍ സര്‍വകലാശാല യൂനിയന്‍ ഉദ്ഘാടനം ചെയ്യുകയായിരുന്നു അദ്ദേഹം. ഇതിനെ എതിര്‍ക്കുന്നവര്‍ ആരൊക്കെയെന്നും അതില്‍ എത്ര മുസ്‌ലിംകള്‍ ഉണ്ടെന്നുമാണ് ഫാസിസ്റ്റ് ശക്തികള്‍ തിരയുന്നതെന്നും അദ്ദേഹം കുറ്റപ്പെടുത്തി. അഭിജിത്ത് മോറാഴ അധ്യക്ഷനായി. ഡോ. വിന്‍സന്‍, പി.ടി ജോസഫ്, ഡോ. രാമകൃഷ്ണന്‍, ഡോ. വിദു ശേഖര്‍, അനസ് ഇബ്രാഹിം സംസാരിച്ചു.