പഴയങ്ങാടി: പഴയങ്ങാടി പൊലിസ് 2015ന് മുമ്പ് വിവിധ കേസുകളില്‍ പിടികൂടിയ 63 ബൈക്കുകള്‍ ലേലം ചെയ്തു. 1,69,859 രൂപയ്ക്കാണ് ബൈക്കുകള്‍ ലേലം പോയത്. മൈസൂരുവിലെ എം.എസ്.ടി.സി എന്ന കമ്പനിയാണ് ലേലം കൊണ്ടത്. ഇന്നലെ ഉച്ചയോടെ ബൈക്കുകള്‍ ലോറികളില്‍ മൈസൂരുവിലേക്ക് കൊണ്ടുപോയി. അപകടത്തില്‍പെട്ടവയും വിവിധ കേസുകളില്‍പെട്ടവയും മണല്‍കടത്ത് മാഫിയകള്‍ക്ക് എസ്‌കോട്ടായി പോകുന്ന ബൈക്കുകള്‍ ഇതില്‍പെടും. വരും ദിവസങ്ങളില്‍ അഞ്ച് ഓട്ടോറിക്ഷ, സുമോ വാഹനങ്ങളും ലേലം ചെയ്യും.