തിരുവനന്തപുരം: കെ.എസ്.ആര്‍.ടി.സി ജീവനക്കാരുടെ ശമ്പളവും പെന്‍ഷനും ക്രിസ്മസിനു മുന്‍പ് കൊടുത്തു തീര്‍ക്കുമെന്ന് ഗതാഗത മന്ത്രി എ.കെ ശശീന്ദ്രന്‍.

കഴിഞ്ഞ മാസത്തെ ശമ്പളവും പെന്‍ഷനും മിക്ക ജീവനക്കാര്‍ക്കും ഇതു വരെ നല്‍കിയിട്ടില്ല. ശമ്പളം രണ്ടു ദിവത്തിനകം നല്‍കുമെന്നായിരുന്നു കഴിഞ്ഞ ദിവസം മന്ത്രി അറിയിച്ചിരുന്നത്.

സര്‍വിസ് മുടങ്ങുന്ന തരത്തിലുള്ള സമരത്തില്‍ നിന്ന് ജീവനക്കാര്‍ പിന്മാറണമെന്നും കടം വാങ്ങി ശമ്പളവും പെന്‍ഷനും നല്‍കുന്ന സമ്പ്രദായം ഒഴിവാക്കുമെന്നും അദ്ദേഹം പറഞ്ഞിരുന്നു.

സാമ്പത്തിക പ്രതിസന്ധി കാരണമാണ് കെ.എസ്.ആര്‍.ടി.സി ജീവനക്കാര്‍ക്ക് കഴിഞ്ഞ മാസത്തെ ശമ്പളവും പെന്‍ഷനും നല്‍കാതിരുന്നത്. ഇതിനെതിരേ ജീവനക്കാര്‍ സമരം നടത്തുകയും ചെയ്തിരുന്നു.