കൊളത്തൂര്‍: മൂര്‍ക്കനാട്ട് പുതുതായി ആരംഭിക്കുന്ന മില്‍മ പ്ലാന്റിലേക്ക് ഹിറ്റാച്ചി വാഹനവുമായി വന്ന ഹെവി ലോറി ചിറക്കല്‍ പാലത്തില്‍ കുടുങ്ങി. ഇന്നലെ രാവിലെ പത്തേമുക്കാലോടെയാണ് സംഭവം.
വാഹനം പാലത്തിലുടെ കടന്നുപോകാന്‍ കഴിയാതെ കുടുങ്ങുകയായിരുന്നു. മണിക്കൂറുകള്‍ നീണ്ട പരിശ്രമത്തിനൊടുവില്‍ ഹെവി വാഹനത്തില്‍നിന്നു ഹിറ്റാച്ചി വാഹനം ഇറക്കിയ ശേഷമാണ് ഹെവി ലോറി ചിറക്കല്‍ പാലവും കടന്നുപോയത്. സംഭവത്തെ തുടര്‍ന്നു ചിറക്കല്‍ പാലത്തിന്റെ ഭിത്തികളും തകര്‍ന്നിട്ടുണ്ട്. ഈ മേഖലയില്‍ ഹെവി വാഹനങ്ങള്‍ കുടുങ്ങുന്നതു നിത്യസംഭവമാണെന്ന് പ്രദേശവാസികള്‍ പറയുന്നു.