തൃപ്രയാര്‍: കേരള നിയമസഭ മത്സ്യബന്ധന അനുബന്ധ തൊഴിലാളികളുടെ ക്ഷേമ സമിതി ചെയര്‍മാന്‍ പി.കൃഷ്ണന്‍ എം.എല്‍.എയുടെ നേതൃത്വത്തില്‍ ഒന്‍പതംഗ നിയമസഭ സാമാജികര്‍ ജനുവരി 18ന് രാവിലെ 10.30 ന് തൃപ്രയാര്‍ സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ സിറ്റിങ് നടത്തും.
അവിടെ വച്ച് മത്സ്യബന്ധനവുമായി ബന്ധപ്പെട്ട തൊഴിലാളികളുടെ പരാതികളും അപേക്ഷകളും സ്വീകരിക്കുകയും പ്രധാനപ്പെട്ട ഹാര്‍ബറുകള്‍ സന്ദര്‍ശിക്കുകയും ചെയ്യുമെന്ന് ഇന്നലെ തിരുവനന്തപുരത്ത് ചേര്‍ന്ന യോഗത്തില്‍ തീരുമാനിച്ചതായി ഗീതാഗോപി എം.എല്‍.എ അറിയിച്ചു.