കാക്കനാട്: കലക്ടറേറ്റിന് സമീപമുള്ള മൊബൈല്‍ ഷോപ്പില്‍ നിന്നും 27,500 രൂപ വിലവരുന്ന മൊബൈല്‍ ഫോണ്‍ മോഷണം പോയി.
ഫോണ്‍ വാങ്ങാനെന്ന വ്യാജേന കടയിലെത്തിയ രണ്ടുപേര്‍ ഫോണ്‍ മോഷ്ടിക്കുന്ന ദൃശ്യങ്ങള്‍ സി.സി ടിവിയില്‍ നിന്നും ലഭിച്ചു. കഴിഞ്ഞ ദിവസം കാക്കനാട് ജങ്ഷനിലെ പഴയ ചിറ്റേത്തുകര ബസ് സ്റ്റോപ്പിന് സമീപത്തെ സ്മാര്‍ട്ട് മൊബൈല്‍ എന്ന കടയില്‍ നിന്നാണ് മൊബൈല്‍ ഫോണ്‍ മോഷണം പോയത്.
രാവിലെ 10നും 10.30നും ഇടയില്‍ കടയിലെത്തിയവരാണു മോഷണം നടത്തിയതെന്ന് സിസിടിവി ദൃശ്യങ്ങള്‍ നിന്നും വ്യക്തമായി.
ഫോണ്‍ നോക്കാനെന്ന വ്യാജന എത്തിയ മോഷ്ടാക്കള്‍ കടയുടെ മോഡല്‍ ഡിസ്‌പ്ലേ ടെബിള്‍ മുകളില്‍വച്ചിരുന്ന സാംസ്ങ് നോട്ട്3 ഫോണാണ് അടിച്ചുമാറ്റിയത്. മോഷ്ടാവ് മൊബൈല്‍ ഫോണുമായി പുറത്തേക്ക് പോകുന്നതും സി.സി ടിവി ദൃശ്യങ്ങളില്‍ വ്യക്തമാണ്.
കടയുടമയായ കാസര്‍കോട് സ്വദേശി മുഹമ്മദ് നസീര്‍ സിസിടിവി ദൃശ്യങ്ങള്‍ സഹിതം തൃക്കാക്കര പൊലിസിലും സൈബര്‍ സെല്ലിലും പരാതി നല്‍കി.