കൊച്ചി: സോണി ഇന്ത്യ പുതിയ എ.പി.എസ്.സി സെന്‍സര്‍ ക്യാമറയായ ആല്‍ഫ 6500 (മോഡല്‍ ഐ.എല്‍.സി.ഇ) അവതരിപ്പിച്ചു. സോണിയുടെ മിറര്‍ലെസ് ക്യാമറകളുടെ നിരയില്‍പെട്ട പുതിയ മോഡലാണ് ആല്‍ഫ 6500. ലോകത്തിലെ ഏറ്റവും വേഗത കൂടിയ എ.എഫ് അക്വിസിഷന്‍  സമയമായ 0.05 സെക്കന്‍ഡില്‍ ക്യാമറയ്ക്കു മുന്നിലുള്ള  എന്തിനേയും ഫോക്കസ് ചെയ്യാന്‍ ഈ സാങ്കേതികവിദ്യയ്ക്കു കഴിയും.
ആല്‍ഫ 6300 ലുള്ളതുപോലെ പുതിയ ആല്‍ഫ 6500ല്‍ 425 ഫേസ് ഡിറ്റക്ഷന്‍ എ.എഫ് പോയ്ന്റുകളുണ്ട്. മാറ്റിവയ്ക്കാവുന്ന ലെന്‍സുള്ള ഒരു ക്യാമറയില്‍ പരമാവധി ഉള്‍ക്കൊള്ളിക്കാവുന്ന ലോകത്തിലെ ഏറ്റവും ഉയര്‍ന്ന  എ.എഫ് പോയ്ന്റുകളാണ് ഇതിലുള്ളത്.  പുതിയ ആല്‍ഫ 6500ന് സെക്കന്‍ഡില്‍ 11 ഫ്രെയിം വരെ തുടര്‍ച്ചയായ ഓട്ടോഫോക്കസും എക്‌സ്‌പോഷര്‍ ട്രാക്കിങും സഹിതം ഷൂട്ട് ചെയ്യാനാവും.
അതിവേഗത്തില്‍ നീങ്ങുന്ന വസ്തുക്കളെ ഷൂട്ട് ചെയ്യാന്‍ ഉതകുന്ന ലൈവ്‌വ്യൂ ഷൂട്ടിങ് മോഡിലാണെങ്കില്‍ ഇത് സെക്കന്‍ഡില്‍ എട്ട് ഫ്രെയിം വരെയാകാം. അതേസമയം തന്നെ ഇത് ഒരു ഇലക്‌ട്രോണിക് വ്യൂഫൈന്‍ഡറിന്റെ മെച്ചവും ഓപ്റ്റിക്കല്‍ വ്യൂഫൈന്‍ഡറിന്റെ സത്വര സ്വഭാവവും ഒന്നിച്ചുനല്‍കും. സോണി 6500 ക്യാമറയില്‍ ഇതാദ്യമായി ടച്ച്പാഡ് നിര്‍വഹണം പ്രത്യേകതയാകുകയാണ്.
വ്യൂഫൈന്‍ഡര്‍ ഫ്രെയിമിങ്ങിനും ഷൂട്ടിങ്ങിനും ഉപയോഗിക്കുമ്പോള്‍ എല്‍സിഡി സ്‌ക്രീനാണ് ടച്ച്പാഡ് ആകുന്നത്. ആല്‍ഫ ഐ.എല്‍.സി.ഇ6500(ബോഡി മാത്രം) വില 119,990 രൂപയാണ്.