കിളിമാനൂര്‍ : പാതയോരത്ത് നിര്‍ത്തിയിട്ടിരുന്ന ടിപ്പര്‍ ലോറിയിലിടിച്ചു നിയന്ത്രണം വിട്ട ടോറസ്  ലോറി മൂന്നു കടകള്‍  ഇടിച്ചുതകര്‍ത്തു.
അപകടത്തില്‍  ലോറി ഡ്രൈവര്‍ക്ക് ഗുരുതര പരുക്കേറ്റു. കഴിഞ്ഞ ദിവസം പുലര്‍ച്ചെ പുളിമാത്ത് ജങ്ഷനിലായിരുന്നു  
അപകടം. വെള്ളല്ലൂരില്‍ പ്രവര്‍ത്തിക്കുന്ന ക്രഷര്‍ യൂനിറ്റില്‍നിന്നും മെറ്റല്‍ശേഖരിക്കാ
നായെത്തിയ ടോറസ് ടിപ്പര്‍ലോറിയാണ്  അപകടത്തില്‍പെ
ട്ടത്.
നിയന്ത്രണം തെറ്റിയ ലോറി പുളിമാത്ത് ജങ്ഷനില്‍  രതീഷിന്റെ ഇലക്‌ട്രോണിക്‌സ് ഷോപ്പ്, പ്രദീപ്കുമാറിന്റെ രോഹിണി സൗണ്ട്‌സ് സിസ്റ്റം ഷോപ്പ്, ശശിയുടെ ചായക്കട എന്നിവ ഇടിച്ചു തകര്‍ത്തു. അപകടത്തില്‍  പരുക്കേറ്റ ലോറി ഡ്രൈവര്‍ കല്ലറ കുറ്റിമൂട് സ്വദേശി സുരേന്ദ്രനെ (45)
വെഞ്ഞാറമൂട്ടിലെ സ്വകാര്യമെഡിക്കല്‍ കോളജില്‍ പ്രവേശിപ്പിച്ചു.
ഡ്രൈവര്‍ ഉറങ്ങിയതാകാം അപകടകാരണമെന്നാണ് നിഗമനം.