കൊച്ചി: കേരള മാനേജ്‌മെന്റ് അസോസിയേഷന്‍ (കെ.എം.എ) ജോണ്‍ കുര്യാക്കോസിനെ ആദരിച്ചു.ഡെന്റ്‌കെയര്‍ ഡെന്റല്‍ ലാബ് പ്രൈ.ലിമിറ്റഡിന്റെ മാനേജിംഗ് ഡയറക്ടറാണ് അദ്ദേഹം. മുവാറ്റുപുഴ എന്ന ചെറിയ പട്ടണത്തില്‍ ഏഷ്യയിലെ ഏറ്റവും വലിയ ഡെന്റല്‍ ഇംപ്ലാന്റ് ഉത്പന്നങ്ങള്‍ നിര്‍മ്മിക്കുന്ന സംരംഭം വിജയകരമാക്കിയതിനാണ് ജോണ്‍ കുര്യാക്കോസിന് ആദരം നല്‍കിയത്. കെ.എം പ്രസിഡന്റ് മാത്യു ഉറുമ്പത്ത് അദ്ദേഹത്തെ പൊന്നാട അണിയിച്ചു. പ്രസിദ്ധ ചലച്ചിത്രതാരം സുജ കാര്‍ത്തിക, കെ.എം.എ പ്രോഗ്രാം കമ്മിറ്റി ചെയര്‍പേഴ്‌സണ്‍ മരിയ അബ്രാഹം, കെ.എം.എ ഓണററി സെക്രട്ടറി ആര്‍ മാധവ് ചന്ദ്രന്‍ എന്നിവരും പ്രസംഗിച്ചു.