വൈക്കം: സെന്റ് ലിറ്റില്‍ തെരേസാസ് ഗേള്‍സ് ഹയര്‍ സെക്കന്ററി സ്‌കൂളിന്റെ 67-ാം വാര്‍ഷികത്തോട് അനുബന്ധിച്ച് പൂര്‍വവിദ്യാര്‍ഥി-അധ്യാപക-അനധ്യാപക സമാഗമം ജനുവരി രണ്ടിന് നടക്കും.
സംഗമത്തോടനുബന്ധിച്ചു ഇന്ന് രാവിലെ 9.30ന് നടക്കുന്ന വിളംബര ജാഥ റവ.ഡോ. പോള്‍ ചിറ്റിനപ്പള്ളി ഫ്‌ളാഗ് ഓഫ് ചെയ്യും. ജനുവരി രണ്ടിന് നടക്കുന്ന മധുരം തിരുമധുരം സംഗമ പരിപാടി സി.കെ ആശ എം.എല്‍.എ ഉദ്ഘാടനം ചെയ്യും. ജെയ്‌ജോണ്‍ പേരയില്‍ അധ്യക്ഷത വഹിക്കും.
എറണാകുളം-അങ്കമാലി അതിരൂപത സഹായ മെത്രാന്‍ അഭിവന്ദ്യ മാര്‍ സെബാസ്റ്റ്യന്‍ എടയന്ത്രത്ത് അനുഗ്രഹ പ്രഭാഷണം നടത്തും. വിദ്യാലയ വികസന പദ്ധതിയുടെ ഉദ്ഘാടനം തൃശ്ശൂര്‍ പ്രിന്‍സിപ്പല്‍ ഡിസ്ട്രിക്ട് ആന്റ് സെഷന്‍ ജഡ്ജ് ആനി ജോണ്‍ മഠത്തില്‍ നിര്‍വ്വഹിക്കും. വെല്‍ വിഷേഴ്‌സ് ഫോറം ലോഗോ പ്രകാശനം നഗരസഭ ചെയര്‍മാന്‍ എന്‍ അനില്‍ ബിശ്വാസ് നിര്‍വഹിക്കും. എം ജി യൂണിവേഴ്‌സിറ്റി സിന്‍ഡിക്കേറ്റ് മെമ്പര്‍ അഡ്വ. പി കെ ഹരികുമാര്‍ മുഖ്യപ്രഭാഷണം നടത്തും.