വെഞ്ഞാറമൂട്: ഓടിക്കൊണ്ടിരുന്ന കാറിന് തീപ്പിടിച്ചു. യാത്രക്കാരന്‍ അദ്ഭുതകരമായി രക്ഷപ്പെട്ടു. ആലിയാട് പാറയ്ക്കല്‍ ചൈത്രത്തില്‍ ചന്ദ്രശേഖരന്‍ നായരുടെ മാരുതി കാറിനാണ് തീപ്പിടിച്ചത് .
ഇന്നലെ വൈകുന്നേരം 5.30നായിരുന്നു സംഭവം. വെഞ്ഞാറമൂട്ടില്‍ നിന്നും ആലിയാട്ടേക്കുള്ള യാത്രയ്ക്കിടെ മൂളയം പാലത്തില്‍ കാറിന്റെ എന്‍ജിനില്‍ നിന്നും പിന്നില്‍നിന്നും പുക ഉയരുകയായിരുന്നു. ഇതുകണ്ട ചന്ദ്രശേഖരന്‍ നായര്‍ കാര്‍ നിര്‍ത്തി ഇറങ്ങിയതിനാല്‍ അപകടം ഒഴിവായി.
കാര്‍ പൂര്‍ണമായി കത്തിനശിച്ചു. വെഞ്ഞാറമൂട്ടില്‍നിന്നും ഫയര്‍ഫോഴ്‌സ് എത്തിയാണ് തീ കെടുത്തിയത്.