നിലമ്പൂര്‍: ചേലശേരിക്കുന്ന് അങ്കണവാടിയിലെ കുരുന്നുകള്‍ക്ക് മധുരവും പുസ്‌കവും നല്‍കി ഫാത്തിമഗിരി ഇംഗ്ലീഷ് സ്‌കൂള്‍ വിദ്യാര്‍ത്ഥികളുടെ ക്രിസ്മസ് ആഘോഷം. പ്രിന്‍സിപ്പല്‍ സിസ്റ്റര്‍ റെനിറ്റക്കും അധ്യാപകര്‍ക്കും ഒപ്പമെത്തിയ വിദ്യാര്‍ഥികള്‍ കുരുന്നുകള്‍ക്ക് കഥാപുസ്തകവും കേക്കും മിഠായിയും സമ്മാനിച്ചു.
അങ്കണവാടിയിലെ അമ്മമാര്‍ ഒരുക്കിയ പുല്‍കൂട്ടില്‍ ഉണ്ണിയേശുവിന്റെ തിരുസ്വരൂപം പ്രതിഷ്ഠിച്ച് സിസ്റ്റര്‍ റെനിറ്റ ആഘോഷം ഉദ്ഘാടനം ചെയ്തു. നഗരസഭാധ്യക്ഷ പത്മിനി ഗോപിനാഥ് കേക്ക് മുറിച്ച് സന്ദേശം നല്‍കി. ഐ.സി.ഡി.എസ് സൂപ്പര്‍വൈസര്‍ ഷഹനാസ് ബീഗം അധ്യക്ഷയായി. കൗണ്‍സിലര്‍ ഡെയ്‌സി ചാക്കോ, അധ്യാപരായ സാജു ജോസ്, എം.വി വിനീത സംസാരിച്ചു. കുട്ടികള്‍ കാരള്‍ ഗാനം ആലപിച്ചു. കുരുന്നുകളുടെ കലാപരിപാടികളും അരങ്ങേറി. പി.എന്‍ ജാനകി, ദീപ ജോസ്, കെ ഗോപാലകൃഷ്ണന്‍, ലിസി ജേക്കബ് നേതൃത്വം നല്‍കി.