പാപ്പിനിശ്ശേരി: കുടിവെള്ളം സംരക്ഷിക്കപ്പെടേണ്ടത് സമൂഹത്തിന്റെ ആവശ്യമാണെന്ന് പരിസ്ഥിതി പ്രവര്‍ത്തകന്‍ ഡോ. ഡി സുരേന്ദ്രനാഥ്. പാപ്പിനിശ്ശേരി ബോട്ട്‌ജെട്ടിക്ക് സമീപം നടക്കുന്ന മണല്‍ ഖനനവും മണല്‍ കഴുകുന്നതിനുള്ള യന്ത്രം ഉപയോഗിക്കുന്നതു മൂലമുണ്ടാകുന്ന പാരിസ്ഥിക പ്രശ്‌നവും ഉണ്ടാകുന്നതിനെതിരേ പാപ്പിനിശ്ശേരി ജനകീയ സമിതി ഹാജി റോഡില്‍ സംഘടിപ്പിച്ച പ്രതിഷേധ യോഗം ഉദ്ഘാടനം ചെയ്യുകയായിരുന്നു അദ്ദേഹം. യോഗത്തില്‍ സി ശാഫി അധ്യക്ഷനായി. അഡ്വ.കെ.കെ മുഹമ്മദ് ഫൗസ്, അഡ്വ.കസ്തൂരി ദേവന്‍, വി.വി പവിത്രന്‍, കെ.പി ഖാദര്‍ കുട്ടി, സി.പി റഷീദ്, പി.വി അശോകന്‍, കെ.മുകേഷ് സംസാരിച്ചു.