കാഞ്ഞിരോട്: റേഷന്‍ സംവിധാനം അട്ടിമറിച്ച കേന്ദ്ര സംസ്ഥാന സര്‍ക്കാറിന്റെ ജനദ്രോഹ നടപടികള്‍ക്കെതിരെ മുണ്ടേരി മണ്ഡലം കോണ്‍ഗ്രസ്സ് കമ്മിറ്റിയുടെ നേതൃത്വത്തില്‍ കാഞ്ഞിരോട് ബസാര്‍ റേഷന്‍ ഷോപ്പിന് മുന്നില്‍ നടത്തിയ സായാഹ്ന ധര്‍ണ ഡി.സി.സി പ്രസിഡന്റ് സതീശന്‍ പച്ചേനി ഉദ്ഘാടനം ചെയ്തു. ലക്ഷ്മണന്‍ തുണ്ടിക്കോത്ത് അധ്യക്ഷനായി. കെ.പി.സി.സി മെമ്പര്‍ മുണ്ടേരി ഗംഗാധരന്‍, അഡ്വ.വി.ആര്‍.വിനോദ്, കട്ടേരി നാരായണന്‍, സുധീഷ് മുണ്ടേരി, കട്ടേരി പ്രകാശന്‍, വി.സി.നാരായണന്‍, ടി.കെ.ലക്ഷ്മണന്‍, അബ്ദുള്‍ ഖാദര്‍, രഞ്ചന്‍, ടി.കെ.പവിത്രന്‍ സംസാരിച്ചു.
പാപ്പിനിശ്ശേരി : റേഷന്‍ വിതരണം പുനസ്ഥാപിക്കുകയും കേന്ദ്ര- സംസ്ഥാന സര്‍ക്കാറുകളുടെ ജനദ്രോഹ നയങ്ങള്‍ അവസാനിക്കണമെന്നാവശ്യപ്പെട്ട് പാപ്പിനിശ്ശേരി മണ്ഡലം കോണ്‍ഗ്രസ് കമ്മിറ്റി പാപ്പിനിശ്ശേരി റെയില്‍വെ സ്റ്റേഷന് സമീപം റേഷന്‍ഷാപ്പ് ധര്‍ണ്ണ നടത്തി. കോണ്‍ഗ്രസ് അഴീക്കോട് ബ്ലോക്ക് പ്രസിഡന്റ് ടി.കെ അജിത്ത് ധര്‍ണ്ണ ഉദ്ഘാടനം ചെയ്തു. മണ്ഡലം കോണ്‍ഗ്രസ് പ്രസിഡന്റ് പി.ചന്ദ്രന്‍ അദ്ധ്യക്ഷനായി. പി.പി ജയപ്രകാശ്, ജാഫര്‍ മാങ്കടവ്, എം.സി ദിനേശന്‍, കെ.കെ ജലീല്‍, എം.പ്രേമരാജന്‍, കെ.കെ മെഹബൂബ് തുടങ്ങിയവര്‍ സംബന്ധിച്ചു.