അരീക്കോട്: മൂര്‍ക്കനാട് സുബലുസ്സലാം ഹയര്‍സെക്കന്‍ഡറി സ്‌കൂളിലെ എന്‍.എസ്.എസ് വളണ്ടിയര്‍മാരുടെ നേതൃത്വത്തില്‍ സ്‌കൂളിലെ പത്താംതരത്തിലും പ്ലസ്ടുവിലും പഠിക്കുന്ന രണ്ട് വിദ്യാര്‍ഥികള്‍ക്ക് വീട് നിര്‍മിച്ചുനല്‍കുന്നു.
പി.ടി.എ പ്രസിഡന്റിന്റെയും വിദ്യാര്‍ഥികളുടെയും നേതൃത്വത്തില്‍ തറ കീറല്‍ പ്രവര്‍ത്തനങ്ങള്‍ തുടങ്ങിക്കഴിഞ്ഞു. രണ്ടാം വര്‍ഷ എന്‍.എസ്.എസ് വളണ്ടിയര്‍മാര്‍ക്കാണ് നിര്‍മാണ പ്രവര്‍ത്തനങ്ങളുടെ ചുമതല.
ഉദ്ഘാടന ചടങ്ങില്‍ പ്രിന്‍സിപ്പല്‍ കെ. അബ്ദുര്‍റസാഖ്, എച്ച്.എം ജി.എസ് ലിജിന്‍, പി.ടി.എ പ്രസിഡന്റ് ടി. സൈതലവി, ഹനീഫ, കെ. മുഹമ്മദ്, സ്റ്റാഫ് സെക്രട്ടറി ഇസ്രത്ത് അസീസ്, പ്രോഗ്രാം ഓഫിസര്‍ എം. കൃഷ്ണനുണ്ണി, ഒ. ഹാമിദലി സംബന്ധിച്ചു.