പയ്യന്നൂര്‍: വെള്ളൂരില്‍ വ്യാപാരിയുടെ ക്വാര്‍ട്ടേഴ്‌സില്‍ എക്‌സൈസ് സംഘം നടത്തിയ റെയ്ഡില്‍ വന്‍ നിരോധിത പുകയില ശേഖരം പിടികൂടി. ദേശീയപാതയില്‍ വെള്ളൂര്‍ കൊട്ടണച്ചേരി ക്ഷേത്രത്തിന് സമീപത്തെ വ്യാപാരിയായ ടി മൊയ്തീന്റെ(48) ക്വാര്‍ട്ടേഴ്‌സില്‍ നിന്നാണ് ചാക്കില്‍ സൂക്ഷിച്ച നിലയില്‍ രണ്ടായിരത്തോളം പാക്കറ്റ് ഹാന്‍സ് പിടികൂടിയത്. വ്യാഴാഴ്ച രാത്രി എട്ടരയോടെ എക്‌സൈസ് അധികൃതര്‍ക്ക് ലഭിച്ച രഹസ്യ വിവരത്തെ തുടര്‍ന്നായിരുന്നു റെയ്ഡ്.
ഇതരസംസ്ഥാന തൊഴിലാളികള്‍ക്കും ഡ്രൈവര്‍മാര്‍ക്കും വന്‍തുക ഈടാക്കിയാണ് നിരോധിത പുകയില ഉല്‍പന്നങ്ങള്‍ ഇയാള്‍ വില്‍പന നടത്തികൊണ്ടിരുന്നത്. കുറച്ചുദിവസങ്ങളായി കട എക്‌സൈസ് സംഘത്തിന്റെ നിരീക്ഷണത്തിലായിരുന്നു.