പൂച്ചാക്കല്‍: ബോട്ട് ജീവനക്കാരനെ മര്‍ദിച്ച കേസില്‍ പോലീസ് പിടികൂടിയ നാലുപേരെ റിമാന്‍ഡു ചെയ്തു.വൈക്കം ബോട്ടുജെട്ടിയിലെ ജീവക്കാരനായ ബാഹുലേയന്‍ (46) നെ മര്‍ദ്ദിച്ച കേസില്‍ പോലീസ് പിടിയിലായ പളളിപ്പുറം സ്വദേശി സുബിന്‍ (22), വാരനാട് സ്വദേശി അലക്‌സ് ചാക്കോ (23), കൊക്കോതമംഗലം സ്വദേശി അരുണ്‍( 27), ചേര്‍ത്തല സ്വദേശി സുജിത്ത് (23) എന്നിവരെയാണ് റിമാന്റ് ചെയ്തത്.
 ബുധനാഴ്ച വൈകിട്ട് അഞ്ചിനായിരുന്നു സംഭവം.വൈക്കം ബോട്ടുജെട്ടിയിലെ ടിക്കറ്റ് കൗണ്ടറില്‍ കയറി മര്‍ദ്ദിക്കുകയും ഓഫീസിനുളളിലെ ടിക്കറ്റ് റാക്കും മറ്റ് ഉപകരണങ്ങളും തല്ലിതകര്‍ത്തുവെന്നും പരാതിയില്‍ പറയുന്നു. അക്രമണം നടത്തിയ ശേഷം ഓടി രക്ഷപ്പെട്ട സംഘത്തെ മറ്റ് ജീവനക്കാരും പോലിസും ചേര്‍ന്ന് പിന്തുടര്‍ന്ന് പിടികൂടുകയായിരുന്നു.
 അതേ സമയം യാത്രക്കാരിയോട് ജീവനക്കാരില്‍ ആരോ അപമര്യാദയായി പെരുമാറിയതാണ് അക്രമണത്തിന് കാരണമെന്നാണ് സൂചന. അക്രമണത്തില്‍ പ്രതിഷേധിച്ച് ജീവക്കാര്‍ അരമണിക്കൂറോളം ബോട്ട് സര്‍വീസ് നിര്‍ത്തിവെച്ചതിനാല്‍ വൈക്കം, തവണക്കടവ് ജെട്ടിയിലെത്തിയ യാത്രക്കാര്‍ വലഞ്ഞു.