മാള: ക്രിസ്മസിനെ വരവേല്‍ക്കാനായി അഷ്ടമിച്ചിറ പുളിയിലക്കുന്ന് ബാലഭവന്‍ അങ്കണത്തില്‍ ഭീമന്‍ നക്ഷത്രം സ്ഥാപിച്ചു. 90 അടി ഉയരമുള്ള നക്ഷത്രം കാണുന്നതിനായി നിരവധി ആളുകളാണ് എത്തികൊണ്ടിരിക്കുന്നത്. ക്രെയിന്‍ ഉപയോഗിച്ചാണ് വലിയ നക്ഷത്രം  ഉയര്‍ത്തി സ്ഥാപിച്ചത്. 500 കിലോഗ്രാം ഇരുമ്പ് 250 മീറ്റര്‍ തുണി എന്നിവയാണ് നക്ഷത്രം നിര്‍മാണത്തിനായി ഉപയോഗിച്ചത്. നക്ഷത്രം മറിഞ്ഞ് വീഴാതെ ഉറപ്പിച്ച് നിര്‍ത്തുന്നതിനായി വലിയ ഗിയര്‍ ബോക്‌സ് ചുവട്ടില്‍ പിടിപ്പിച്ചിട്ടുണ്ട്. പുളിയിലക്കുന്ന് ബാലഭവനിലെ കുട്ടികളും കളിക്കൂട്ടം കൂട്ടായ്മയും ചേര്‍ന്ന് ബാലഭവന്‍ ഡയറക്ടര്‍ ഫാ. ഷാജു പീറ്ററിന്റെ നേതൃത്വത്തിലാണ് ഭീമന്‍ നക്ഷത്രം നിര്‍മിച്ചത്.