കരുനാഗപ്പള്ളി: ഐ.എന്‍.റ്റി.യു.സി യൂനിയനില്‍പ്പെട്ട ചുമട്ട് തൊഴിലാളിയും കോണ്‍ഗ്രസ് പ്രവര്‍ത്തകനുമായ കുലശേഖരപുരം പുന്നക്കുളം പുത്തന്‍പുരയില്‍ അന്‍സറിനേയും കുടുംബത്തേയും ആക്രമിച്ചതില്‍ പ്രതിഷേധിച്ച് കരുനാഗപ്പള്ളി നിയോജക മണ്ഡലത്തില്‍ കോണ്‍ഗ്രസ് ആഹ്വാനം ചെയ്ത  ഹര്‍ത്താല്‍ പൂര്‍ണ്ണം.
കടക്കമ്പോളങ്ങള്‍ അടഞ്ഞു കിടന്നു .തുറന്ന് പ്രവര്‍ത്തിച്ച പെട്രോള്‍ പമ്പുകള്‍ കോണ്‍ഗ്രസ്സ്, യൂത്ത് കോണ്‍ഗ്രസ്സ് പ്രവര്‍ത്തകര്‍ എത്തി അടപ്പിച്ചു. ഓഫീസുകളില്‍ ഹാജര്‍ നില കുറവായിരുന്നു.കോണ്‍ഗ്രസ് ഭവനു മുന്നില്‍ നിന്ന് രാവിലെ 10 മണിക്ക് പ്രതിഷേധ പ്രകടനം നടന്നു.പ്രകടനത്തിന് കെ.സി.രാജന്‍, കെ.ജി.രവി, സി.ആര്‍ മഹേഷ്, സി.സി സി.മെമ്പര്‍മാരായ ചിറ്റുമൂലനാസര്‍, എച്ച്.സലിം, ബ്ലോക്ക് പ്രസിഡന്റ് എന്‍. അജയകുമാര്‍ തുടങ്ങിയവര്‍ നേതൃത്വം നല്കി.