ചെന്നൈ: ദേശീയ സീനിയര്‍ വോളിബോള്‍ ചാംപ്യന്‍ഷിപ്പില്‍ കേരളത്തിന്റെ പുരുഷ, വനിതാ ടീമുകള്‍ മുന്നേറുന്നു. തുടര്‍ച്ചയായ മൂന്നു വിജയങ്ങള്‍ സ്വന്തമാക്കി കേരളം പ്ലേയോഫ് ഘട്ടത്തിലേക്ക് കടന്നു.
ആദ്യ ദിനത്തില്‍ കേരളത്തിന്റെ പുരുഷ ടീം ആന്ധ്രപ്രദേശിനെ പരാജയപ്പെടുത്തിയാണ് തുടങ്ങിയത്. നാലു സെറ്റ് നീണ്ട പോരിലാണ് കേരളം വിജയത്തുടക്കമിട്ടിത്. (സ്‌കോര്‍: 25-20, 26-24, 27-29, 25-21). വനിതകള്‍ പഞ്ചാബിനെ പരാജയപ്പെടുത്തി. മൂന്നു സെറ്റുകള്‍ക്ക് നേരിട്ടുള്ള വിജയമാണ് ആദ്യ പോരില്‍ വനിതകള്‍ നേടിയത്. (സ്‌കോര്‍:25-17, 25-08, 25-09).
രണ്ടാം പോരാട്ടത്തില്‍ പുരുഷ ടീം നേരിട്ടുള്ള മൂന്നു സെറ്റുകള്‍ക്ക് സര്‍വിസസിനെ പരാജയപ്പെടുത്തി. (സ്‌കോര്‍:25-19, 25-21, 29-27). വനിതകള്‍ തെലങ്കാനയെ വീഴ്ത്തി. (സ്‌കോര്‍:25-13, 25-13, 25-12).
ഇന്നലെ നടന്ന മൂന്നാം പോരാട്ടത്തില്‍ കേരളത്തിന്റെ പുരുഷ, വനിതാ ടീമുകള്‍ തമിഴ്‌നാടിനെ വീഴ്ത്തി. രണ്ടിനെതിരേ മൂന്നു സെറ്റുകള്‍ക്കാണ് പുരുഷന്‍മാരുടെ വിജയം.
(സ്‌കോര്‍: 20-25, 21-25, 25-22, 25-16, 20-18). നേരിട്ടുള്ള മൂന്നു സെറ്റുകള്‍ക്കാണ് വനിതകള്‍ വിജയിച്ചത്. (സ്‌കോര്‍:25-14, 25-11, 25-09)