കൊല്ലം: സംസ്ഥാന ക്രോസ് കണ്‍ട്രി ചാംപ്യന്‍ഷിപ്പ് നാളെ അഞ്ചലില്‍ നടക്കും. 14 ജില്ലകളില്‍ നിന്നു 16, 18, 20 വയസിനു താഴെ വിഭാഗത്തില്‍ ആണ്‍കുട്ടികള്‍ക്കും പെണ്‍കുട്ടികള്‍ക്കും രാവിലെ ആറു മുതല്‍ മത്സരമുണ്ടാകും. ദേശീയ ചാംപ്യന്‍ഷിപ്പില്‍ കേരളത്തെ പ്രതിനിധീകരിക്കാനുള്ള ടീമിനെ ചാംപ്യന്‍ഷിപ്പില്‍ നിന്നു തിരഞ്ഞെടുക്കും.
'കായിക കേരളം-ആരോഗ്യ കേരളം' എന്ന മുദ്രാവാക്യമുയര്‍ത്തി 27ന് രാവിലെ പത്തിനു അഞ്ചലില്‍ കൂട്ടയോട്ടവും വൈകിട്ട് അലയമണില്‍ സൗഹൃദ വോളിബോള്‍ മത്സരങ്ങളും സംഘടിപ്പിക്കും. സമാപന സമ്മേളനം അഞ്ചല്‍ സെന്റ് ജോണ്‍സ് സ്‌കൂളില്‍ മന്ത്രി കെ രാജു ഉദ്ഘാടനം ചെയ്യും. മുല്ലക്കര രത്‌നാകരന്‍ എം.എല്‍.എ സമ്മാന ദാനം നിര്‍വഹിക്കും.