മനാമ: 45ാമത് ദേശീയ ദിനത്തോടനുബന്ധിച്ച് ബഹ്‌റൈന്‍ കെ.എം.സി.സി മനാമയില്‍ സംഘടിപ്പിച്ച ദേശീയദിനാഘോഷ പരിപാടികളുടെ സമാപന സമ്മേളനം നടന്നു.
ഈസാ ടൗണ്‍ ഇന്ത്യന്‍ സ്‌കൂളില്‍ പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു.
മുസ്‌ലിംലീഗ് സംസ്ഥാന ജന. സെക്രട്ടറി കെ.പി.എ മജീദ് മുഖ്യ പ്രഭാഷണം നടത്തി. സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്‌റുദ്ദീന്‍ കോയ തങ്ങള്‍, പാറക്കല്‍ അബ്ദുല്ല എം.എല്‍.എ, ഹമദ് ടൗണ്‍ ചാരിറ്റി ചെയര്‍മാനും മുന്‍ എം.പി യുമായ ശൈഖ് മുഹമ്മദ് ഖാലിദ്, സതേണ്‍ ഗവര്‍ണറേറ്റ് പ്രതിനിധി എന്‍ജിനീയര്‍ ഹമദ് ജുമാ അല്‍ ഫസനി, ഫൈസല്‍ അര്‍ അര്‍ജാനി (ഹമദ് ടൗണ്‍ ചാരിറ്റി), പി.എം സമീര്‍, ഇന്ത്യന്‍ സ്‌കൂള്‍ ചെയര്‍മാന്‍ പ്രിന്‍സ് നടരാജന്‍, ഒ. ഐ.സി.സി പ്രസിഡന്റ് ബിനു കുന്നന്താനം എന്നിവര്‍ സംസാരിച്ചു.