നാദാപുരം യൂത്ത് ഫ്രന്റ്‌സ് മൂന്നാം വാര്‍ഷികാഘോഷ ലോഗോ പ്രകാശന കര്‍മ്മം പാറക്കല്‍ അബ്ദുള്ള എംഎല്‍എ നിര്‍വഹിച്ചു. ജനുവരിയില്‍ നടക്കുന്ന മൂന്നാം വാര്‍ഷികാഘോഷ സമാപനത്തില്‍വച്ച് ആനാണ്ടി മൊയ്തു ഹാജിയുടെ സ്മരണക്കായി നല്‍കി വരുന്ന ആനാണ്ടി നിസ്വാര്‍ത്ഥ പുരസ്‌കാരം വിതരണം ചെയ്യും.

വിവിധ കലാ പരിപാടികളോട് കൂടി നടത്തപ്പെടുന്ന ചടങ്ങില്‍ ദോഹയിലെ പ്രമുഖ വ്യക്തിത്വങ്ങള്‍ പങ്കെടുക്കും.

ചടങ്ങില്‍ സി കെ ഉബൈദ് അധ്യക്ഷത വഹിച്ചു .കെ എം സി സി നേതാക്കന്മാരായ  കെ കെ ബഷീര്‍, മമ്മു കെട്ടുങ്കല്‍, അജ്മല്‍ തെങ്ങലക്കണ്ടി, സൂപ്പി കല്ലറക്കല്‍, യൂത്ത് ഫ്രെന്റ്‌സ് ഭാരവാഹികളായ  ഫിറോസ് വളയം , ഹാരിസ് ആലക്കല്‍ , സാജിദ് മല്ലുവശ്ശേരി, റാഫി കോമത്ത്, യാഹ്‌സാദ് കല്ലറക്കല്‍, നജീബ് കെ എം  എന്നിവര്‍ സംബന്ധിച്ചു.

ലത്തീഫ്  പാതിരിപ്പറ്റ സ്വാഗതവും, ജാബിര്‍  ആലക്കല്‍   നന്ദിയും പറഞ്ഞു . കല  മനുഷ്യ നന്മയ്ക്കും സഹവര്‍ത്തിത്വത്തിനും  എന്ന ആശയം ഉള്‍കൊള്ളുന്ന ലോഗോ ജാസില്‍ എസി യാണ്  രൂപകല്‍പന ചെയ്തത്.