കാക്കനാട്: സമസ്ത കേരള ജംഇയ്യത്തുല്‍ മുഅല്ലിമീന്‍ തൃക്കാക്കര റെയ്ഞ്ച് മദ്‌റസ വിദ്യാര്‍ഥി ഫെസ്റ്റും മാനേജ്‌മെന്റ് അവാര്‍ഡ് വിതരണവും ജനുവരി ഇന്നും നാളെയും കൈപ്പടമുകള്‍ ജന്നത്തുല്‍ ഉലൂം മദ്‌റസയില്‍ നടക്കും.
കിഡ്‌സ്, സബ് ജൂനിയര്‍, ജൂനിയര്‍, സീനിയര്‍, സൂപ്പര്‍ സീനിയര്‍ എന്നീ കാറ്ററികളില്‍ റെയ്ഞ്ചിലെ 12 മദ്‌റസകളില്‍ നിന്നു 40 ഇനങ്ങളിലായി നാന്നൂറിലധികം പ്രതിഭകള്‍ മാറ്റുരക്കും.
പരിപാടിയുടെ നടത്തിപ്പുമായി ബന്ധപ്പെട്ട് വിപുലമായ സ്വാഗത സംഘവും വിവിധ സബ് കമ്മറ്റികളും രൂപീകരിച്ചു. മുഖ്യ രക്ഷാധികാരിയായി ആതിഥേയ മദ്‌റസയുടെ പ്രസിഡന്റ് എ.എ അബ്ദുള്‍ റഹിമാന്‍, ചെയര്‍മാന്‍ എം.എം അബുബക്കര്‍ ഫൈസി, ജനറല്‍ കണ്‍വിന്‍ എ.കെ ഉസ്മാന്‍ ഫൈസി, ട്രഷറര്‍ കെ.എം അബ്ദുള്‍ റഹ്മാന്‍ എന്നിവരുമാണ്.
കഴിഞ്ഞ അധ്യയന വര്‍ഷത്തില്‍ മദ്‌റസകളില്‍ ഉയര്‍ന്ന മാര്‍ക്ക് കരസ്ഥമാക്കിയ (റെയ്ഞ്ച് ഫസ്റ്റ്) വിദ്യാര്‍ഥികള്‍ക്ക് സെന്‍ട്രല്‍ കൗണ്‍സില്‍ നല്‍കുന്ന ക്യാഷ് അവാര്‍ഡും മനേജ്‌മെന്റ് നല്‍കുന്ന ട്രോഫിയും നല്‍കി ആചരിക്കും. അല്‍ഫിയ റഷീദ് ദാറുല്‍ ഉലൂം മലേപ്പള്ളി, ഫിദ ഹുസൈന്‍ ജന്നത്തുല്‍ ഉലൂം കൈപ്പടമുകള്‍, ആഷിഖ് കെ.എ, ജൗഹറ കെ.എസ് ഷറഫുല്‍ ഇസ്്‌ലാം യൂനിവേഴ്‌സിറ്റി, എന്നിവരാണ് അഞ്ച്, ഏഴ്, പത്ത്, പന്ത്രണ്ട് ക്ലാസുകളിലെ അവാര്‍ഡ് ജേതാക്കള്‍. മാനേജ്‌മെന്റ് നല്‍കുന്ന ബെസ്റ്റ് പെര്‍ഫോമന്‍സ് മദ്‌റസ അവാര്‍ഡും ഇതോടൊപ്പം നല്‍കും. മദ്‌റസ സെക്രട്ടറി കെ.എ സെയ്തു മുഹമ്മദ്, പി.ടി.എ പ്രസിഡന്റ് കെ.കെ അബൂബക്കര്‍, റെയ്ഞ്ച് സെക്രട്ടറി യൂസഫ് മാസ്റ്റര്‍ തുടങ്ങിയവര്‍ സംസാരിച്ചു.