പടിഞ്ഞാറത്തറ: കക്ഷിരാഷ്ട്രീ ജാതി-മത ഭേദമെന്യ മുസ്‌ലിംലീഗ് ശിഹാബ് തങ്ങളുടെ പേരില്‍ നിര്‍മ്മിച്ച നല്‍കുന്ന ബൈത്തുറഹ്മകള്‍ ലോകത്തിന് തന്നെ മാതൃകയായി കൊണ്ടിരിക്കുകയാണെന്നും വനിതാലീഗ് അഖിലേന്ത്യാ സെക്രട്ടറി അഡ്വ.നൂര്‍ബിന റഷീദ് പറഞ്ഞു. ശക്തമായ മഴയില്‍ നിന്നും വെയിലില്‍ നിന്നും സംരക്ഷണം നല്‍കുക എന്നുള്ളത് മാത്രമല്ല ഒരു വീട് കൊണ്ട് ഉദ്ദേശിക്കുന്നത്. സുരക്ഷിതമായും സമാധാനമായും കിടന്നുറങ്ങാന്‍ കെട്ടുറപ്പുള്ള വീട് എന്ന സ്വപ്‌നം യാഥാര്‍ത്ഥ്യമാക്കുകയാണ് ബൈത്തുറഹ്മയിലൂടെ മുസ്‌ലിംലീഗ് ചെയ്യുന്നതെന്നും നൂര്‍ബിന റഷീദ് പറഞ്ഞു. വനിതാലീഗ് സംസ്ഥാന കമ്മിറ്റി പടിഞ്ഞാറത്തറയില്‍ നിര്‍മ്മിച്ചു നല്‍കിയ ബൈത്തുറഹ്മയുടെ താക്കോല്‍ദാനം നിര്‍വഹിച്ച് സംസാരിക്കുകയായിരുന്നു അവര്‍. വനിതാലീഗ് ജില്ലാപ്രസിഡന്റ് ബഷീറ അബൂബക്കര്‍ അധ്യക്ഷത വഹിച്ചു. സെക്രട്ടറി ബീന അബൂബക്കര്‍ സ്വാഗതം പറഞ്ഞു. സയ്യിദ് ശിഹാബുദ്ദീന്‍ ഇമ്പിച്ചികോയ തങ്ങള്‍ പ്രാര്‍ത്ഥന നടത്തി. മുസ്‌ലിംലീഗ് മണ്ഡലം പ്രസിഡന്റ് റസാഖ് കല്‍പ്പറ്റ, വനിതാ ദലിത് ലീഗ് ദേശീയ സെക്രട്ടറി ജയന്തി രാജന്‍, വനിതാ വികസന കോര്‍പ്പറേഷന്‍ ചെയര്‍പേഴ്‌സണ്‍ കദീജ കുട്ടു, യൂത്ത്‌ലീഗ് ജില്ലാ സെക്രട്ടറി കെ.ഹാരിസ്, കളത്തില്‍ മമ്മുട്ടി, സി.ഇ ഹാരിസ്, പി.സി മമ്മുട്ടി, സി.കെ അമ്മദ്, സാലി ടീച്ചര്‍ പാലക്കുടി, സല്‍മ മോയി വാളാട്, മൈമൂന കെ.കെ.സി, കെ.ബി നസീമ, കെ.കെ റംല, ബുഷ്‌റ ഉസ്മാന്‍, ആസ്യാ ചേരാപുരത്ത്, കെ.കെ അസ്മ പ്രസംഗിച്ചു.