കൊല്ലം:ഹുബ്ബുറസൂല്‍, ഹുബ്ബുല്‍വത്വന്‍ നബിദിന കാംപയിന്റെ ഭാഗമായി തിരുവനന്തപുരത്ത് നടക്കുന്ന തെക്കന്‍ മേഖലാ സമ്മേളനം വിജയിപ്പിക്കാന്‍ സമസ്തയുടെയും പോഷക സംഘടനകളുടെയും നേതാക്കളും പ്രവര്‍ത്തകരും രംഗത്തിറങ്ങണമെന്ന് സമസ്ത വിദ്യാഭ്യാസ ബോര്‍ഡ് കേന്ദ്രകമ്മിറ്റി അംഗം ടി.കെ. ഇബ്രാഹിംകുട്ടി മുസ്‌ലിയാര്‍ ആവശ്യപ്പെട്ടു. കൊല്ലത്ത് ചേര്‍ന്ന സ്വാഗത സംഘം യോഗത്തില്‍ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.
വിഴിഞ്ഞം സഈദ് മുസ്‌ലിയാര്‍, ഇ.ശിഹാബുദ്ദീന്‍ ഫൈസി,കൊല്ലം നസീര്‍ഖാന്‍ ഫൈസി, ടി.എ.ഷാജഹാന്‍ ഫൈസി, എ.ഷാജഹാന്‍ കാശിഫി, എസ്.എം.നിളാമുദ്ദീന്‍ മുസ്‌ലിയാര്‍, ഒ.എം. ഷെരീഫ് ദാരിമി, ഇ.നിസാമുദ്ദീന്‍ ഫൈസി, ജമീന്‍ .ജെ, എം.മുഹമ്മദ് മുസ്‌ലിയാര്‍ തുടങ്ങിയവര്‍ സംസാരിച്ചു.
എസ്.അഹമ്മദ് ഉഖൈല്‍ സ്വാഗതവും അബ്ദുള്ള കുണ്ടറ നന്ദിയും പറഞ്ഞു. സമ്മേളന പരിപാടിയുടെ കര്‍മപദ്ധതികള്‍ ആലംകോട് ഹസന്‍ വിശദീകരിച്ചു.