മുതുകുളം: കഞ്ചാവ് വില്‍പ്പനക്കിടെ രണ്ട് പേര്‍ കാര്‍ത്തികപ്പള്ളി എക്‌സൈസ് സംഘത്തിന്റെ പിടിയില്‍. ചെറുതന ആയാപറമ്പ് പാണ്ടി കൊമ്പിത്തറകിഴക്കതില്‍ വീട്ടില്‍ വിജീഷ്(20),പുത്തന്‍തുരുത്ത് വീട്ടില്‍ ക്ലിന്റു ആന്റണി(20) എന്നിവരാണ് അറസ്റ്റിലായത്.
കഴിഞ്ഞ ദിവസം വൈകുന്നേരത്തോടെ ചെറുതന ആയാപറമ്പ് പാണ്ടി ഗവ.എല്‍.പി സ്‌കൂളിന് സമീപം വെച്ച് കഞ്ചാവ് വില്‍പ്പന നടത്തുന്നതിനിടയിലാണ് ഇവര്‍ പിടിയിലായത്.ഇവരില്‍ നിന്നും വില്‍പ്പനക്കായി പൊതികളില്‍ സൂക്ഷിച്ചിരുന്ന 24 ഗ്രാം കഞ്ചാവും ഒരു ന്യൂ ജനറേഷന്‍ ബൈക്കും പിടികൂടിയിട്ടുണ്ട്. കാര്‍ത്തികപ്പള്ളി റേഞ്ച് എക്‌സൈസ് ഇന്‍സ്‌പെക്ടര്‍ക്ക് ലഭിച്ച രഹസ്യവിവരത്തെതുടര്‍ന്നായിരുന്നു അറസ്റ്റ്.
എക്‌സൈസ് ഇന്‍സ്‌പെക്ടര്‍ എസ്.മധുസൂദനന്‍പിളള, അസി.എക്‌സൈസ് ഇന്‍സ്‌പെക്ടര്‍ പ്രസാദ്മാത്യു,പ്രിവന്റീവ് ഓഫീസര്‍ അശോകന്‍,സിവില്‍ എക്‌സൈസ് ഓഫീസര്‍മാരായ പി.യു.ഷിബു,അംബികേശന്‍,ജി.ജയകൃഷ്ണന്‍,പി.ആര്‍.വിനോദ്,മുഹമ്മദ്കബീര്‍ എന്നിവര്‍ ചേര്‍ന്നാണ് അറസ്റ്റ് നടത്തിയത്.