കോട്ടയം: ആയുര്‍വേദ വിധി പ്രകാരമുള്ള ജീവിതരീതി പരിചയപ്പെടുത്തുന്ന ആയുഷ് ഗ്രാമം പദ്ധതിയ്ക്ക് നാളെ രാവിലെ 11ന് പള്ളം ബ്ലോക്കില്‍ തുടക്കമാകും.
കേരളത്തില്‍ ആദ്യമായാണ് ഈ പദ്ധതി നടപ്പാക്കുന്നത്.
ബ്ലോക്കു പഞ്ചായത്തു പരിധിയിലുള്ള അഞ്ചു വില്ലേജുകളിലാണ് പദ്ധതി പരിചയപ്പെടുത്തി പരിശീലനം നല്‍കുന്നത്.
ബ്ലോക്കു കാര്യാലയത്തില്‍ നടക്കുന്ന ചടങ്ങ് തിരുവഞ്ചൂര്‍ രാധാകൃഷ്ണന്‍ എം.എല്‍.എ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രരസിഡന്റ് ശശീന്ദ്രനാഥ് അധ്യക്ഷനായിരിക്കും. ചടങ്ങില്‍ ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് മുഖ്യപ്രഭാഷണം നിര്‍വഹിക്കും. രാവിലെ 10 മുതല്‍ ജീവിതശൈലീ രോഗങ്ങളും പ്രതിവിധിയും സംബന്ധിച്ച് വിദഗ്ധ ഡോക്ടര്‍മാര്‍ ക്ലാസെടുക്കും.