ലണ്ടന്‍: വിഖ്യാത സൈക്ലിങ് താരം ബ്രിട്ടന്റെ ബ്രാഡ്‌ലി വിഗ്ഗിങ്‌സ് വിരമിച്ചു. ബ്രിട്ടന്റെ എക്കാലത്തേയും മികച്ച കായിക താരങ്ങളിലൊരാളാണ് 36 കാരനായ വിഗ്ഗിങ്‌സ്. 2012ല്‍ ടൂര്‍ ഡി ഫ്രാന്‍സ് കിരീടം നേടിയ വിഗ്ഗിങ്‌സ് നേട്ടം സ്വന്തമാക്കുന്ന ആദ്യ ബ്രിട്ടീഷ് താരമാണ്. അഞ്ചു സ്വര്‍ണമടക്കം എട്ടു ഒളിംപിക് മെഡലുകളും ഏഴു ലോക കിരീടങ്ങളും ട്രാക്ക് ആന്‍ഡ് റോഡ് സൈക്ലിങില്‍ സ്വന്തമാക്കിയാണ് വിഗ്ഗിങ്‌സ് അനുപമമായ കരിയറിനു വിരാമമിടുന്നത്. 2013ല്‍ എലിസബത്ത് രാജ്ഞി വിഗ്ഗിങ്‌സിനു സര്‍ സ്ഥാനം നല്‍കിയിരുന്നു.