കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ കലാമേള വിധികര്‍ത്താക്കള്‍ക്കായി ജഡ്ജിങ് വര്‍ക്‌ഷോപ്പ് സംഘടിപ്പിച്ചു. ജില്ലയിലെ 57 റെയ്ഞ്ചുകളില്‍ നിന്ന് കലാരംഗത്ത് അഭിരുചിയുള്ള 300 പേര്‍ക്കാണ് വിദഗ്ധ പരിശീലകരുടെ നേതൃത്വത്തില്‍ കോച്ചിങ് നല്‍കിയത്.
നന്തി ദാറുസ്സലാം അറബിക് കോളജില്‍ നടന്ന പരിപാടി സമസ്ത മുശാവറ അംഗം എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് കെ.കെ ഇബ്‌റാഹിം മുസ്‌ലിയാര്‍ അധ്യക്ഷനായി. അല്‍ഹാഫിള് സാബിത് മുസ്‌ലിയാര്‍ കൊയിലാണ്ടി, ഷാഹുല്‍ ഹമീദ് മാസ്റ്റര്‍ മേല്‍മുറി, മൊയ്തു മാസ്റ്റര്‍ വാണിമേല്‍, കെ.വി.കെ അബ്ദുല്ല മാസ്റ്റര്‍ കരുവാരക്കുണ്ട് ക്ലാസുകള്‍ക്ക് നേതൃത്വം നല്‍കി.
ടി.വി.സി അബ്ദുസ്സമദ് ഫൈസി, ആര്‍.വി അബ്ബാസ് ദാരിമി, എ.ടി മുഹമ്മദ് മാസ്റ്റര്‍, കെ.കെ മുസ്തഫ അല്‍ഹസനി, പി. ലിയാഖത്തലി ദാരിമി, എന്‍.കെ ബഷീര്‍ ദാരിമി, കെ.വി മൊയ്തു ഹാജി, അബ്ദുല്‍ ജലീല്‍ ഫൈസി, വി. അബൂബക്കര്‍ ദാരിമി പ്രസീഡിയം നിയന്ത്രിച്ചു. പി. ഹസൈനാര്‍ ഫൈസി സ്വാഗതവും ഇ.കെ അബ്ദുല്ല ഫൈസി നന്ദിയും പറഞ്ഞു.