കൊട്ടാരക്കര: തൃക്കണ്ണമംഗല്‍ തട്ടത്ത് രൂക്ഷമായ കുടിവെള്ള ക്ഷാമം പരിഹരിക്കണമെന്നാവശ്യപ്പെട്ട് പ്രദേശവാസികളും റസിഡന്‍സ് അസോസിയേഷനും നഗരസഭകാര്യാലയത്തിലെത്തി വൈസ് ചെയര്‍മാന് നിവേദനം നല്‍കി.
തട്ടത്ത് നഗര്‍ റസിഡന്‍സ് അസോസിയേഷന്‍ പ്രസിഡന്റ് ജേക്കബ് വര്‍ഗ്ഗീസ് വടക്കടത്ത് പ്രദേശവാസികളായ സി.കെ. ജോസ്, ജെയിംസ് ജോണ്‍, ശശിപിള്ള, മാത്യുകുട്ടി, ഷാജി തങ്കച്ചന്‍,സുധാമണി, ലിസി എന്നിവരുടെ നേതൃത്വത്തിലാണ് നിവേദനം നല്‍കിയത്. കുടിവെള്ളക്ഷാമത്തിന് അടിയന്തര പരിഹാരം സ്വീകരിക്കണമെന്ന് വൈസ് ചെയര്‍മാന്‍ കെ. ഷാജു ഉറപ്പ് നല്‍കിയതായി ജേക്കബ് വര്‍ഗ്ഗീസ് വടക്കടത്ത് അറിയിച്ചു.