കടുത്തുരുത്തി: വീട്ടില്‍ കഞ്ചാവ് ചെടികള്‍ വളര്‍ത്തിയ മധ്യവയസ്‌ക്കന്‍ അറസ്റ്റില്‍. പുരയിടത്തിലെ ഗ്രോബാഗില്‍ കഞ്ചാവ് ചെടി വളര്‍ത്തിയ പൂഴിക്കോല്‍ നാല് സെന്റ് കോളനിയില്‍ ചാമപ്പാറയില്‍ സാബു (45) നെയാണു കടുത്തുരുത്തി എക്‌സൈസ് സംഘം അറസ്റ്റ് ചെയ്തത്.
സംശയത്തെ തുടര്‍ന്ന് എക്‌സൈസ് സംഘം സാബുവിന്റെ വീട് പരിശോധന നടത്തിയപ്പോഴാണു ഗ്രോബാഗില്‍ വളര്‍ത്തിയ കഞ്ചാവ് ചെടികള്‍ കണ്ടുപിടിച്ചത്. പ്രതിയെ വൈക്കം കോടതിയില്‍ ഹാജരാക്കി റിമാന്റ് ചെയ്തു. ക്രിസ്മസിനോട് അനുബന്ധിച്ച് കൂടുതല്‍ പരിശോധനകള്‍ എക്‌സൈസ് സംഘം നടത്തിയിരുന്നു.
പുതുവത്സരത്തോടനുബന്ധിച്ചും റെയ്ഡുകളും പരിശോധനകളും കൂടുതല്‍ ശക്തമാക്കുമെന്ന് എക്‌സൈസ് ഇന്‍സ്‌പെക്ടര്‍ ആര്‍ പ്രശാന്ത് അറിയിച്ചു. അസിസ്റ്റന്റ് ഇന്‍സ്‌പെകടര്‍മാരായ ടി.ആര്‍ ജയകുമാര്‍, പി.പി നാരായണന്‍ നായര്‍ പ്രിവന്റീവ് ഓഫിസര്‍ പി.യു ജോസ്, സിവില്‍ എക്‌സൈസ് ഓഫിസര്‍മാരായ കെ സുരേഷ്, പി.ബി ബിജു, ടി.എസ് സുജിത്ത്, ഹരികൃഷ്ണദാസ്, കെ.കെ അനില്‍കുമാര്‍, സി.എം വിനോദ് എന്നിവര്‍ റെയ്ഡിനു നേതൃത്വം നല്‍കി.