പയ്യന്നൂര്‍: വാക്തര്‍ക്കത്തിനിടെ യുവാവിനെ വധിക്കാന്‍ ശ്രമിച്ചുവെന്ന കേസില്‍ നാലുപേരെ പയ്യന്നൂര്‍ പൊലിസ് അറസ്റ്റ് ചെയ്തു. എട്ടിക്കുളം പുഞ്ചിരിമുക്കിലെ എം നിസാര്‍(28), എം.സി റുനൈദ്(22), മുഹമ്മദ് റഹീസ്(19), എം.പി ഹംസ(26) എന്നിവരെയാണ് എസ്.ഐ എ.വി ദിനേശ് അറസ്റ്റ് ചെയ്തത്. ഇവര്‍ എസ്.ഡി.പി.ഐ പ്രവര്‍ത്തകരാണെന്ന് പൊലിസ് അറിയിച്ചു. കഴിഞ്ഞ ബുധനാഴ്ച ഉച്ചയ്ക്ക് രണ്ടരയോടെ എട്ടിക്കുളം പുഞ്ചിരിമുക്കിലുണ്ടായ വാക്തര്‍ക്കത്തിനിടെ എട്ടിക്കുളത്തെ എം.പി ബഷീറും സുഹൃത്തുക്കളും ആക്രമിക്കപ്പെട്ടിരുന്നു. ഈ സംഭവവുമായി ബന്ധപ്പെട്ടാണ് അറസ്റ്റ്. ആറുപ്രതികളാണ് കേസിലുള്ളത്.