പട്ടാമ്പി: സുന്നിയുവജന സംഘം പട്ടാമ്പി മണ്ഡലം കമ്മിറ്റിയുടെ കീഴില്‍ നടക്കുന്ന ഇസ്ലാമിക് ലേണിംഗ് സ്‌കൂള്‍ ഉദ്ഘാടനം നാളെ മൂന്ന് മണിക്ക് ആമയൂര്‍ ഹിദായത്തുല്‍ അനാം ഇസ്ലാം മദ്‌റസയില്‍ സയ്യിദ് അബ്ദുറഹ്മാന്‍ ജിഫ്രി തങ്ങള്‍ നിര്‍വഹിക്കും.പ്രിന്‍സിപ്പാള്‍ ടി.എ റഷീദ് മാസ്റ്റര്‍ അധ്യക്ഷനാകും.ഗോള്‍ സെറ്റിംഗ് എന്ന വിഷയത്തില്‍ ട്രന്‍ഡ് എച്ച്.ആര്‍ വിംഗ് ജില്ലാകണ്‍വീനര്‍ സക്കീര്‍ മാസ്റ്റര്‍ രണ്ടാം സെഷനില്‍ ക്ലാസ് അവതരണം നടത്തും.
എസ്.വൈ.എസ് ജില്ലാ ജനറല്‍ സെക്രട്ടറി ടി.കെ മുഹമ്മദ് കുട്ടി ഫൈസി,ജി.എം സ്വലാഹുദ്ദീന്‍ ഫൈസി,സയ്യിദ് ഹസന്‍ സഖാഫ് തങ്ങള്‍,ആരിഫ് ഫൈസി,കോഡിനേറ്റര്‍മാരായ ശിഹാബ് ടാലന്റ്്,സി.കെ ഷമീര്‍ ബദ് രി തുടങ്ങിയവര്‍ സംബന്ധിക്കും.എല്ലാ മാസങ്ങളിലും ആദ്യത്തെ ഞായറാഴ്ചകളില്‍ വൈകുന്നേരം മൂന്ന് മണി മുതല്‍ അഞ്ച് മണിവരെയാണ് ക്ലാസ് നടക്കുന്നത്.ഇന്റര്‍വ്യൂവില്‍ തെരഞ്ഞെടുക്കപ്പെട്ട പഠിതാക്കള്‍ കൃത്യസമയത്ത് ക്ലാസില്‍ എത്തിച്ചേരണമെന്നും പുതിയതായി പ്രവേശനം ആഗ്രഹിക്കുന്നവര്‍ ഉച്ചക്ക്് രണ്ടിന് സ്‌പോട്ട് ഇന്റര്‍വ്യൂവില്‍ പങ്കെടുക്കണമെന്നും ഡയറക്ടര്‍ അബ്ദുറഹ്മാന്‍ മരുതൂര്‍ അറിയിച്ചു.9526645786