തിരുവനന്തപുരം: ലോധ സമിതി റിപ്പോര്‍ട്ട് നടപ്പാക്കാന്‍ വിസമ്മതിച്ച സംസ്ഥാന ക്രിക്കറ്റ് അസോസിയേഷനുകളെ പിരിച്ചുവിടാന്‍ സുപ്രിം കോടതി ഉത്തരവിട്ടതിനെ തുടര്‍ന്ന് കേരള ക്രിക്കറ്റ് അസോസിയേഷനിലും അഴിച്ചുപണി.

സംസ്ഥാന ക്രിക്കറ്റ് അസോസിയേഷന്‍ അധ്യക്ഷ സ്ഥാനത്തുനിന്ന് ടി.സി. മാത്യുവും സെക്രട്ടറി സ്ഥാനത്തുനിന്ന് അനന്തനാരായണനും സ്ഥാനമൊഴിഞ്ഞു.

വൈസ് പ്രസിഡന്റുമാരായ ടി.ആര്‍ ബാലകൃഷ്ണന്‍, എസ്.ഹരിദാസ്, സുനില്‍ കോശി ജോര്‍ജ്, എന്നിവരും സ്ഥാനമൊഴിഞ്ഞു.

പുതിയ പ്രസിഡന്റായി ബി. വിനോദിനെയും സെക്രട്ടറിയായി ജയേഷ് ജോര്‍ജിനെയും തിരഞ്ഞെടുത്തു.